اضطر دعبس أفندي أنه يتأخر كتير، علشان يضمن انه يرجع في وقت تكون زوجته وأولاده نايمين. طبعاً بعد البدلة الجديدة ما اتحرقت،.. فتح الباب بهدوء.. ودخل يتسحب....
فين أول ما اتجوزنا وفين دلوقتي.. كانت عاملة زي العروسة الحلاوة، أحمر واخضر واصفر وحاضر يا سي دعبس.. أوامرك يا سي دعبس..بس أنا الغلطان.. اصل الستات دول جنس ملعون.. لازم يتحكم بالحديد والنار، ويقولوا قال حرية المرأة... بلا نيلة، الواحدة من دول تبقى هتموت وتتجوز.. تعقد تتدحلب تتدحلب ولما يطب الزبون يبقى يا ولداه زي الفار اللي وقع في مصيدة، مهر وشبكة وشقة وعفريت أزرق كأنهم لقوا كنز ..ومنين يجيب الغلبان.. طبعاً لازم يطفش، ويرجعوا يصدعوا دمغنا بمشكلة العنوسة، حاجة تجن الجن .. وتعفرت العفريت.
وإيه الكتب دي؟؟.. أكيد بتوع الواد شكروت.. عاملي فيها مثقف..الثورة الدائمة.. لينين والثورة في الشرق.. الاشتراكية الحديثة . الواد فاكر نفسه جيفارا وهو بالعافية يعرف الفرق بين الألف وعمود النور، مش فالح بس غير في قلب دمغنا بالأغاني اللي عاملة زي صوت مواتير شركة الحديد والصلب، لا والأكادة إن كلهم شبه بعض وكتير... بقي المطربين أكتر من السميعة، ويقعد الواد يسمعهم كأنه بيسمع أم كلثوم يا خي.
وإيه الكتاب ده.. الثقافة الجنسية ؟؟!! .. يا ابن ستين كلب..
ولا ليه، ما هو كتر خيره.. طول الليل والنهار قلبين دمغنا بالثقافة الجنسية في التليفزيون والصحافة والكتب، عوزين يخلوها حاجة عادية.. وهو ده التمدن والحضارة، ويا كده يا نبقى متخلفين..آه طبعا لابد من محو الأمية الجنسية، وكأنهم محو أمية 49% من الشعب.. والباقي متعلمين نص كوم، الواحد من دول يتخرج من الجامعة حامل شهادة عليا ولو سألته مين اللي فتح مصر يقولك أبو تريكة.
الله يرحم زمان.. كان الواحد وشه بيحمر لما يسمع كلمة جنس، دلوقتى بقت عاملة زي اللبانة، وعادي جداً لما نتكلم فيها أمال.. بلاش تخلف يا راجل.. لا حياء في العلم.طيب يتشطروا علي العلم اللي بجد، ولا هم عوزين يعملوا زي أهل بغداد يقتلوا الحسين وبعدين يسألوا عن دم البرغوت إذا كان ينقض الوضوء.. عالم غريبة فعلاً.
بس سيبك انت.. دلوقتي ادخل اتسحب من غير دواهي ما تحس، بدل ما تبقى ليلة مش فايته،
- أي ... آااااااااااااااااااااااااااااااااه ...
وإيه الكتب دي؟؟.. أكيد بتوع الواد شكروت.. عاملي فيها مثقف..الثورة الدائمة.. لينين والثورة في الشرق.. الاشتراكية الحديثة . الواد فاكر نفسه جيفارا وهو بالعافية يعرف الفرق بين الألف وعمود النور، مش فالح بس غير في قلب دمغنا بالأغاني اللي عاملة زي صوت مواتير شركة الحديد والصلب، لا والأكادة إن كلهم شبه بعض وكتير... بقي المطربين أكتر من السميعة، ويقعد الواد يسمعهم كأنه بيسمع أم كلثوم يا خي.
وإيه الكتاب ده.. الثقافة الجنسية ؟؟!! .. يا ابن ستين كلب..
ولا ليه، ما هو كتر خيره.. طول الليل والنهار قلبين دمغنا بالثقافة الجنسية في التليفزيون والصحافة والكتب، عوزين يخلوها حاجة عادية.. وهو ده التمدن والحضارة، ويا كده يا نبقى متخلفين..آه طبعا لابد من محو الأمية الجنسية، وكأنهم محو أمية 49% من الشعب.. والباقي متعلمين نص كوم، الواحد من دول يتخرج من الجامعة حامل شهادة عليا ولو سألته مين اللي فتح مصر يقولك أبو تريكة.
الله يرحم زمان.. كان الواحد وشه بيحمر لما يسمع كلمة جنس، دلوقتى بقت عاملة زي اللبانة، وعادي جداً لما نتكلم فيها أمال.. بلاش تخلف يا راجل.. لا حياء في العلم.طيب يتشطروا علي العلم اللي بجد، ولا هم عوزين يعملوا زي أهل بغداد يقتلوا الحسين وبعدين يسألوا عن دم البرغوت إذا كان ينقض الوضوء.. عالم غريبة فعلاً.
بس سيبك انت.. دلوقتي ادخل اتسحب من غير دواهي ما تحس، بدل ما تبقى ليلة مش فايته،
- أي ... آااااااااااااااااااااااااااااااااه ...
هناك 17 تعليقًا:
ناس كتير كدة هتزعل منك يا دعبس
ملحوظة: ياريت أختيار خاصية عدم تأكيد الكلمة في الإعدادات.
يا أهلاً بالهدهد الطائر
نورت مدونته المهاجر المتواضعة
وما تخاف .. مفيش حد بيزعل من الحقيقة
أما ملحوظتك فقد تم أخذها بعين الاعتبار
وتم إزالة خاصية التحقق من الكلمات
أشكر مرورك وأتمنى ألا تحرمنا إياه
شكل المدونه دى هتكون صفحتى الرئيسيه بعد كده :)
بجد يوميات اكثر من رائعه .. اسلوب رائع فى النقد الساخر الحقيقى جدااا .
انا عن نفسى فى انتظار لقاء دعبس مع ابنه المثقف بفارغ الصبر :)
ولا مراته لما تصحى ... شكله هيكون يوم ... هههههههه
سلم لنا هذا الفكر يا اخى ..
وفقك الله دائما .
طيب ليه نشتم كل جنس المرأة مابلاش التعميم حد يختار واحدة اسمها دواهى
اهو طلعلك من اسمها نصيب اشرب بقى
تحياتى
أنا لازم أعمل بوليصة تأمين لدعبس أفندي لأنه أصبح شخصية هامة
طبعاً .. مجرد إن ضي القمر تفكر مجرد تفكير في جعله في قائمة المفضلة وليس الصفحة الرئيسية تجعله شخصية هامة
وبالمناسبة
يومياته كتيرة جداً لكن صدقيني مسيري داخل السجن بسبب الراجل ده
ضي القمر ..
مروركِ له مذاق خاص جداً
فلا تحرمينا هذا المرور
الأخت الكريمة لعلها خير
والله معاكِ حق
في حد فعلاً يتجوز واحدة اسمها دواهي
يعني حتى مش داهية واحدة
هههههه
نصيبه بقى
اخي المهاجر
عيله غريبه فعلا
تشكيله عجيبه من الشخصيات والاسماء متهيالي حيكون لهم مغامرات كتيييير
ملحوظه
يا ريت صورة عائليه من فضلك
اختك
همسه
اهلا يا استاذ مهاجر
عجبتني جدا يومياتك و الطريقة الساخرة للنقد و الكوميديا السوداء التي امتلأت بها حياتنا
لكن تفتكر المقارنة بين الاجيال ممكنة ؟ يعني مثلا لما بتقول الواحد زمان كان وشه بيحمر لما يسمع كلمة جنس هل دة كويس ولا وحش ياتري ؟ ولا لا هذا ولا زاك؟ يعني زمان كان حلو و لا ليه ناسه وظروفه ؟؟؟
على فكرة اشكرك على رايك فى مدونتي و حضرتك تقدر من قائمة فيو فى اقصى شمال الصفحة تكبر الخط لان الخط فى شاشتي انا كبير بالفعل
تحياتي
مرجانة
ازيك ياعم المهاجر
اناعرفت مدونتك من خلال تعليقك علي مدونة( يوميات عانس حقود) هي حقود بس عملت خير انها عرفتني عليك
اسلوبك جامد ولامس واقع حياتنا والسلبيات اللي بتقع فيها
تحياتي ليك ومستنيك تشرفني
همسة ..
عائلة دعبس أفندي .. عائلة مصرية
بكل ما تحمل الكلمة من معني
ومن عنيا
اجيب لك في أقرب وقت صورة عائلية
يا مليون أهلاً وسهلاً بالست مرجانة
نورت يوميات دعبس أفندي
شوفي يا ست الكل
لمقارنة بين الأجيال .. مقارنة ظالمة
لأن لكل جيل أفكاره واهتماماته ومعتقداته .. لكن
هناك ثوابت لا يمكن الحيد عنها وقيم لا تختلف من جيل لآخر
بمعني أنه ما ينفعش نقول إن الجيل القديم كان بيصلي .. الجيل الجديد جيل متفتح والصلاة بقت موضة قديمة
نفس الشيء بالنسبة للحياء
مفروض انه ما يختلفش من جيل لآخر
مرة أخرى مروركِ شرفني
ازيك انت يا درش
انا اللي لازم اشكر العانس الحقود لأنها كانت السبب انك تشرفني
انا زرت مدونتك
شكلها تحفة
عارف ..
أنا هارجع اشتغل على وندوز تاني علشان اقدر اقرا
الخط الافتراضي في لينكس صغير جداً
واستناني انا جي لك
فين يا سيدى الباقى
عايزة اعرف نهاية دواهى
ماتتاخرش
فينك با دعبس؟!!!
الأخت لعلها خير
الأخ الهدهد الطائر
أشكركم بصدق على السؤال وأعتذر على هذا التأخير الذي لن يتكرر بإذن الله
دواهى دى عايزة عم شحنون يا سى دعبس
علشان يخليها زى الصدر الحنون عم شحنون مفعوله اكيد
إرسال تعليق